ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅོ་ལྔ་པ་གཟབ་རྒྱས་ངང་ཚོགས་མགོ་བརྩམས་པ།
རང་ཚགས་པར་གྱི་འཕྲིན། ཟླ8པའི་ཚེས11ཉིན་གྱི་སྔ་དྲོར། ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅོ་ལྔ་པ་ཁུལ་གྲོས་ཚོགས་ལྟེ་གནས་སུ་གཟབ་རྒྱས་ངང་ཚོགས་མགོ་བརྩམས་ཤིང་། ཚོགས་ཆེན་གྱི་བརྗོད་དོན་གཙོ་བོ་ནི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་དར་ཆ་མཐོན་པོར་བསྒྲེངས་ནས་ཞི་ཅིན་ཕིང་གི་ཏང་འཛུགས་སྐྱོང་གི་དགོངས་པར་སློབ་སྦྱོང་ལག་བསྟར་གཏིང་ཟབ་དང་། ཏང་གི་ཚོགས་ཆེན་ཐེངས་ཉི་ཤུ་པ་དང་སྐབས་ཉི་ཤུ་པའི་ཚང་འཛོམས་གྲོས་ཚོགས་རིམ་བྱུང་གི་དགོངས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བའི་ཐད་གནང་བའི་བླང་བྱ་གལ་ཆེན་བཅས་ལ་ཕྱོགས་ཡོངས་ནས་དོན་འཁྱོལ་བྱེད་པ་དང་། ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ལག་བསྟར་ནན་ཏན་བྱེད་པ། ཡིད་ཆེས་བརྟན་པོ་དང་འགན་འཁྲི་ཕྲག་ཏུ་འཁུར་བ། སྤོབས་པ་ཆེན་པོས་མདུན་དུ་སྐྱོད་པ་བཅས་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོར་གྲུབ་འབྲས་གསར་པ་ལེན་པར་མཐུན་སྒྲིལ་འབད་འཐབ་བྱ་རྒྱུ་དེ་ཡིན།
བློ་མཐུན་ཞུང་ཡོན་ལའེ་ཡིས་ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་གྱི་སྐབས་བཅུ་བཞི་པའི་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་ལ་སྙན་ཞུ་ཕུལ་བཞིན་པ།
ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཨུ་ཡོན་ལྷན་ཁང་གི་ཁོངས་མི་ཞུང་ཡོན་ལའེ་དང་དོན་གྲུབ། ཏའེ་མིང་ཅེ། ཀའོ་ཡུང་ཧུང་། ཀྲང་ཅུན་ལུའུ།ལིའུ་ཡན། སུན་ཅུན་ཞཱ། ཀྲེང་ཕིང་ཞན། ཏེང་ཧྲེང་ཕེང་། ཝང་ཅི་ཏུ། ཀྲང་ཏུ་ཞན། ལི་ཝེ། ཀང་ཧྥུའུ་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས་པ་དང་། ཞིང་ཆེན་ཏང་ཨུའི་སྐབས་བཞི་པའི་སྐབས་བརྗེའི་ལྟ་སྐུལ་ཚན་ཆུང་ཚོགས་ཆེན་ལ་མཛུབ་སྟོན་གནང་བར་ཕེབས་པ་དང་། ཚོགས་ཆེན་ལ་ཞུགས་དགོས་པའི་འཐུས་མི254ཡོད་པ་དང་དངོས་སུ་ཞུགས་ཡོད་པའི་འཐུས་མི249ཡིན་པས་གཏན་འཁེལ་མི་གྲངས་དང་མཐུན། དོན་གྲུབ་ཀྱིས་ཚོགས་ཆེན་ལ་མགོ་འཛིན་གནང་།
སྔ་དྲོའི་ཆུ་ཚོད9པར་ཚོགས་ཆེན་མགོ་བརྩམས་པ་དང་ཚོགས་ར་ཡོངས་སུ་རྒྱལ་གླུས་ཁྱབ་ཡོད། སྤྲོ་སེམས་འཁོལ་བའི་ཐལ་མོའི་རྡེབ་སྒྲའི་ཁྲོད་ཞུང་ཡོན་ལའེ་ཡིས་ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་པའི་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་ལ《ཏང་འཛུགས་སྐྱོང་ལ་སྣེ་ཁྲིད་དང་དངོས་སྒྲུབ་འབད་འཐབ་ཀྱིས་སྔོན་ཐོན་བརྩོན་ལེན་བྱེད་པར་མཐའ་འཁྱོངས་བྱས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོར་གྲུབ་འབྲས་གསར་པ་ལེན་པར་མཐུན་སྒྲིལ་འབད་འཐབ་བྱ་དགོས》ཞེས་པའི་སྙན་ཞུ་ཕུལ་བ་དང་། ཁུལ་སྒྲིག་ཨུའི་སྐབས་བཅུ་བཞི་པས་ཚོགས་ཆེན་ལ《ལོ་ལྔའི་འཆར་གཞི་བཅོ་ལྔ་པའི་རིང་གི་འགན་འཁྲི་དང་ལས་འགན་ཁོང་དུ་ཆུད་པར་བྱས་ནས་ཚད་གཞི་སྔར་བས་མཐོ་བ་དང་བྱེད་ཐབས་སྔར་བས་ཏན་ཏིག་གིས་ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་བཏང་སྟེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོར་གྲུབ་འབྲས་གསར་པ་ལེན་པར་འགན་སྲུང་བརྟན་པོ་བྱ་དགོས》ཞེས་པའི་སྙན་ཞུ་ཕུལ། ཚོགས་ཆེན་ལས་ཁུལ་གྱི་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པ་འཚོགས་པའི་ཚུན་གྱི་ལོ་ལྔ་ནི་ཁུལ་ཡོངས་ཀྱིས་མཆོང་སྐྱོད་རང་བཞིན་གྱི་འཕེལ་རྒྱས་དང་ཡུན་རིང་བདེ་འགོད་ལ་གྲུབ་འབྲས་གལ་ཆེན་བླངས་པའི་ལོ་ལྔ་ཡིན་པ་དང་། ལོ་ལྔའི་རིང་ལ་ཁུལ་ཨུས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ཐད་བཏོན་པའི་བླང་བྱ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། གཏན་འཁེལ་གཉིས་ལ་བརྩི་སྲུང་ལེགས་པོ་དང་སྲུང་སྐྱོང་གཉིས་མཐའ་གཅིག་ཏུ་སྒྲུབ་ཐུབ་པ་བྱས་ཏེ། ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་ལ་མཐུན་སྒྲིལ་ངང་སྣེ་ཁྲིད་བྱས་ཏེ། དྲིན་གཟོ་ཤེས་པ་དང་བརྩེ་བ་ཡོད་པ། དངོས་དོན་སྒྲུབ་པ་བཅས་བྱས་ནས། སྲུང་སྐྱོང་གཙོར་འཛིན་པ་དང་རིམ་སྒྱུར་རིམ་སྤར། གསར་གཏོད་བཅོས་སྒྱུར། མི་དམངས་བླ་ན་མེད་པ། མཉམ་སྐྲུན་མཉམ་སྤྱོད། རྨང་གཞི་བརྟན་པོ་བཅས་རྒྱུན་འཁྱོངས་བྱས་ཏེ། ཤུགས་ཆེན་པོས་འཕེལ་རྒྱས་དམ་འཛིན་དང་དམངས་ཕན་དངོས་གཉེར། ཉེན་ཁ་སྔོན་འགོག་དང་གཏན་འཇགས་སྐུལ་འདེད་བཅས་བྱས་ནས། སྐྱེ་ཁམས་ཁོར་ཡུག་དང་ཕྱོགས་བསྡུས་སྟོབས་ཤུགས། འཕེལ་རྒྱས་ཀྱི་སྒུལ་ནུས། དམངས་འཚོའི་བདེ་སྐྱིད། གཞི་རིམ་བཅོས་སྐྱོང་། ཏང་གི་འཛུགས་སྐྲུན་བཅས་ཀྱི་བྱ་གཞག་སོ་སོའི་ཐད་གཡུར་ཟའི་གྲུབ་འབྲས་བླངས་ནས་དེང་རབས་ཅན་གྱི་མཚོ་ལྷོ་གསར་བའི་འཛུགས་སྐྲུན་ལ་གོམ་སྟབས་བརྟན་པོ་སྤོས་ཡོད་པ་བསྟན།
ཟླ་8ཚེས་11ཉིན་གྱི་སྔ་དྲོར། ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅོ་ལྔ་པ་གཟབ་རྒྱས་ངང་ཚོགས་མགོ་བརྩམས་པ།
ཚོགས་ཆེན་ལས་ལོ་ལྔའི་འཆར་གཞི་བཅོ་ལྔ་པའི་དུས་སྐབས་ནི་མཚོ་སྔོན་གྱི་འཐབ་ཇུས་གོ་གནས་དེ་སྤྱི་ཡོངས་ནས་ཡར་འཕར་བའི་དུས་སྐབས་དང་སྐྱེ་ཁམས་ཀྱི་དགེ་མཚན་བསྒྱུར་བའི་གནད་འགག་གི་དུས་སྐབས། དེང་རབས་ཅན་གྱི་ཐོན་ལས་མ་ལག་གསོ་སྐྱོང་མཐོར་འདེགས་ཀྱི་དུས་སྐབས་བཅས་སུ་སླེབས་ཡོད་པ་དང་། དུས་རབས་གསར་པའི་ནུབ་རྒྱུད་གསར་སྤེལ་ཆེན་མོ་དང་རྨ་ཆུའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོང་། སྤུས་ཚད་མཐོ་བའི་འཕེལ་རྒྱས། ཁ་གཏད་རོགས་སྐྱོར་མཉམ་ལས། རྒྱུད་གཅིག་ལམ་གཅིག་མཉམ་སྐྲུན་སོགས་ཀྱི་འཐབ་ཇུས་གལ་ཆེན་ལག་བསྟར་གཏིང་ཟབ་བྱས་པ་དང་བསྟུན་ནས། རྒྱལ་ཁབ་རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་དང་སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་བྱེད་པའི་ལམ་སྲོལ་གྱི་ཚོད་ལྟའི་ས་ཁུལ་སོགས་རྒྱལ་རྟགས་ཅན་གྱི་སྤུས་རྟགས་སྐྲུན་ཏེ། སྐྱེ་ཁམས་ར་བ་ཆེན་མོ་གསུམ་གྱི་ཁྲོད་དུ་གནས་ཤིང་གནས་བཞིའི་ཐོན་ལས་ཀྱི་དགེ་མཚན་ཡང་ལྡན་པའི་མཚོ་ལྷོ་ཁུལ་གྱི་འཐབ་ཇུས་གོ་གནས་དེ་སྔར་བས་མངོན་གསལ་དང་སྐྱེ་ཁམས་ཀྱི་རིན་ཐང་སྔར་ལས་ལེགས་པ། འཕེལ་རྒྱས་ཀྱི་སྒུལ་ཤུགས་སྔར་ལས་ཆེ་བ་དང་གནས་ཚད་སྔར་ལས་མཐོ་བ། བར་སྟོང་སྔར་ལས་ཆེ་བ། ཡིད་ཆེས་སྔར་ལས་བརྟན་པ། རེ་འདུན་སྔར་ལས་གསལ་བ་བཅས་ཡིན་པས། ད་ལྟ་ལོ་རྒྱུས་སྟེང་ཆེས་བཟང་བའི་འཕེལ་རྒྱས་ཀྱི་དུས་སྐབས་ཤིག་ལ་འཕྲད་ཡོད་ཅེས་བསྟན།
ཚོགས་ཆེན་ལས་སླད་ཕྱིན་ལོ་ལྔའི་རིང་གི་ཁུལ་ཡོངས་ཀྱི་བྱ་བའི་སྤྱིའི་བླང་བྱ་ནི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་གྱི་དར་ཆ་མཐོན་པོར་བསྒྲེངས་ཏེ། ཏང་གི་ཚོགས་ཆེན་ཐེངས་ཉི་ཤུ་པ་དང་སྐབས་ཉི་ཤུ་པའི་ཚང་འཛོམས་གྲོས་ཚོགས་རིམ་བྱུང་གི་དགོངས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བར་བཏོན་པའི་བླང་བྱ་གལ་ཆེན་བཅས་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཆེས་ཆེ་བ་གསུམ་གྱི་ཞིང་ཆེན་གྱི་གནས་ཚུལ་དང་སྔར་བས་གལ་འགངས་ཆེ་བ་གསུམ་གྱི་འཐབ་ཇུས་གནས་བབ་ལ་གཞི་བཙུགས་ཏེ། རྒྱུན་འཁྱོངས་བྱེད་པ་གསུམ་གྱི་ལག་ལེན་བླང་བྱ་ཁྱོན་ཡོངས་ནས་དོན་འཁྱོལ་དང་འཕེལ་རྒྱས་ཀྱི་འདུ་ཤེས་གསར་པ་ཆ་ཚང་ཞིང་ཡང་དག་པའི་སྒོ་ནས་ལག་བསྟར་བྱས་ཏེ། འཕེལ་རྒྱས་ཀྱི་རྣམ་པ་གསར་བའི་ཁྲོད་མཉམ་འདྲེས་གཏིང་ཟབ་ཡོང་བ་དང་ཞབས་འདེགས་བྱས་ནས། ཞིང་ཆེན་ཏང་ཨུའི་ཡང་དག་པའི་སྣེ་ཁྲིད་འོག དཔལ་འབྱོར་འཛུགས་སྐྲུན་ལྟེ་བར་འཛིན་པ་དང་སྤུས་མཐོའི་འཕེལ་རྒྱས་ལ་སྐུལ་འདེད་གཏོང་རྒྱུ་བརྗོད་དོན་དུ་འཛིན་པ། སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་ཐོན་ལས་ཀྱི་གནས་བཞི་འཛུགས་སྐྲུན་བྱ་རྒྱུ་གཙོ་གནད་དུ་འཛིན་པ། རྒྱལ་ཁབ་རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱེད་པ་ཁྲིད་སྟོན་དུ་འཛིན་པ། རིགས་སོ་སོའི་མང་ཚོགས་ཀྱི་མ་འོངས་པའི་འཚོ་བའི་དགོས་མཁོ་བསྐང་རྒྱུ་དེ་རྩ་བའི་དམིགས་ཡུལ་དུ་འཛིན་པ། ཕྱོགས་ཡོངས་ནས་ཏང་ནན་སྐྱོང་བྱ་རྒྱུ་དེ་རྩ་བའི་འགན་སྲུང་དུ་འཛིན་པ་བཅས་བྱས་ཏེ། སྐྱེ་ཁམས་ལ་བརྟེན་ནས་ཁུལ་འཛུགས་པ་དང་ནུས་ཁུངས་གཙང་མར་བརྟེན་ནས་ཁུལ་སྟོབས་ཆེར་གཏོང་བ། ཞིང་ཕྱུགས་ལས་ལ་བརྟེན་ནས་ཁུལ་བརྟན་པོར་འཛུགས་པ། རིག་གནས་ཡུལ་སྐོར་ལ་བརྟེན་ནས་ཁུལ་དར་སྤེལ་དུ་གཏོང་བ་བཅས་ཀྱི་འཐབ་ཇུས་ལག་བསྟར་གཏིང་ཟབ་བྱས་ཏེ། སྔར་ལས་མཛེས་སྡུག་དང་འཕེལ་རྒྱས། བདེ་སྐྱིད། འཆམ་མཐུན། མཐུན་སྒྲིལ། སྤྱོད་གཙང་བཅས་ཀྱི་མཚོ་ལྷོ་གསར་པ་འཛུགས་སྐྲུན་བྱས་ནས། གུང་ཧོ་གཤོང་སའི་ལྗང་མདོག་དར་རྒྱས་ལ་ནུས་ཤུགས་ཡོད་རྒུས་སྐུལ་འདེད་བཏང་སྟེ། ཞིང་ཆེན་ཡོངས་ཀྱི་འཕེལ་རྒྱས་ཀྱི་འཕར་གཞི་གསར་པ་མགྱོགས་མྱུར་གྱིས་ཆགས་པར་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོར་གྲུབ་འབྲས་གསར་བ་ལེན་པར་མཐུན་སྒྲིལ་འབད་འཐབ་བྱ་རྒྱུ་དེ་ཡིན་ཞེས་ནན་གྱིས་བསྟན།
ཚོགས་ཆེན་ལས་སླད་ཕྱིན་ལོ་ལྔའི་རིང་གི་འབད་འཐབ་དམིགས་འབེན་གཙོ་བོ་ནི་འཕར་གཞི་གཅིག་དང་མ་དཔེ་བཞི། ཡར་ཐོན་ལྔ་སྟེ། དེ་དག་ནི་སྔོན་ཐོན་བརྩོན་ལེན་ལྔ་སྒུལ་ཤུགས་སུ་བྱས་ནས། གུང་ཧོ་གཤོང་སའི་ལྗང་མདོག་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་བཏང་སྟེ། ཞིང་ཆེན་ཡོངས་ཀྱི་འཕེལ་རྒྱས་གཙོ་བོའི་འཕར་གཞི་གསར་པ་མགྱོགས་མྱུར་ངང་ཆགས་པར་བྱེད་པ། མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་མཚོ་ལྷོའི་མ་དཔེ་དང་དེང་རབས་ཅན་གྱི་ཐོན་ལས་མ་ལག་གི་མཚོ་ལྷོའི་མ་དཔེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི་མཚོ་ལྷོའི་མ་དཔེ། ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་སྣེ་ཁྲིད་བྱེད་པའི་མཚོ་ལྷོའི་མ་དཔེ་བཅས་བཏོད་ནས། དཔལ་འབྱོར་འཕེལ་རྒྱས་དང་མཁར་གྲོང་འཛུགས་སྐྲུན། དམངས་འཚོའི་བྱ་བཞག བསམ་པའི་དཔལ་ཡོན། གཞི་རིམ་ཏང་འཛུགས་བཅས་ཀྱི་ཐད་ཁྱོན་ཡོངས་ནས་ཡར་ཐོན་ཡོང་བར་བྱས་ཏེ། ལོ་ལྔའི་འཆར་གཞི་བཅོ་ལྔ་པའི་འཕེལ་རྒྱས་ལ་འགན་སྲུང་བརྟན་པོ་དང་སྟོབས་ཤུགས་གཅིག་ཏུ་སྒྲིལ་དགོས་ཞེས་བསྟན།
ཚོགས་ཆེན་ལས་སྐྱེ་ཁམས་གཙོར་འཛིན་རྒྱུ་རྒྱུན་འཁྱོངས་དང་། ལྗང་སྒྱུར་ལ་རྨང་གཞི་བརྟན་པོ་བཞག་ནས། སྤུས་ཚད་སྔར་ལས་མཐོ་བའི་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱ་དགོས། སྐྱེ་ཁམས་སྲུང་སྐྱོང་གི་ཆབ་སྲིད་འགན་འཁྲི་ཕྲག་ཏུ་བརྟན་པོར་ཁུར་བ་དང་། ཐཱན་རྩེར་སོན་མངོན་འགྱུར་བྱེད་པར་ཧུར་ཐག་གིས་སྐུལ་འདེད་གཏོང་བ། སྦགས་བཙོག་འགོག་བཅོས་བྱ་བར་སྐུལ་འདེད་གཏོང་བ། སྐྱེ་ཁམས་མ་ལག་སྲུང་སྐྱོང་དང་ཉམས་གསོ་བྱེད་པར་ཤུགས་སྣོན་པ། སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་བྱེད་པའི་ཐབས་ལམ་རྒྱ་ཆེར་གཏོང་བ། ལྗང་མདོག་ཐོན་སྐྱེད་ཀྱི་འཚོ་བ་རོལ་སྟངས་ཆགས་པར་བྱེད་པ། སྔོ་ལྗང་གི་རི་བོ་དང་དྭངས་གཙང་གི་ཆུ་མོའི་དགེ་མཚན་སྲ་བརྟན་དུ་གཏོང་བ། གསེར་རི་དངུལ་རིའི་གབ་ཤུགས་སྔོག་འདོན་བཅས་བྱས་ནས། སྐྱེ་ཁམས་ལ་བརྟེན་ནས་འཕེལ་རྒྱས་ལ་འདེགས་སྐྱོར་བྱས་ཏེ། དྭངས་ཤིང་གཙང་བའི་ཆུ་མོ་དང་སྔོ་ཞིང་བསངས་པའི་ནམ་མཁའ། དག་གཙང་གི་ས་གཞི་བཅས་ནི་མཚོ་ལྷོའི་ཆེས་མཛེས་སྡུག་ལྡན་པའི་རང་བྱུང་གི་ཡུལ་ལྗོངས་ཤིག་ཏུ་འགྱུར་བར་བྱ་དགོས་ཞེས་ནན་གྱིས་བསྟན།
ཚོགས་ཆེན་ལས་ཐོན་ལས་ཀྱིས་སྐུལ་ཁྲིད་བྱ་རྒྱུ་རྒྱུན་འཁྱོངས་དང་ཕྱོགས་སྒྱུར་རིམ་སྤོར་ལ་སྐུལ་འདེད་བཏང་ནས་སྤུས་ཚད་སྔར་ལས་མཐོ་བའི་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱ་དགོས། རིག་ནུས་ཅན་དང་ལྗང་མདོག་ཅན། མཉམ་འདྲེས་ཅན་བཅས་ཀྱི་ཁ་ཕྱོགས་རྒྱུན་འཁྱོངས་བྱས་ཏེ། ནུས་ཁུངས་གཙང་མའི་ཤོང་ཚད་རྒྱ་སྐྱེད་དང་ཕན་འབྲས་ཆེ་རུ་གཏོང་བ། ལྗང་མདོག་གློག་རྩིས་མཉམ་འདྲེས་ཡོང་བ། སྐྱེ་ཁམས་ཡུལ་སྐོར་གྱི་རིམ་སྤར། ལྗང་མདོག་སྐྱེ་ལྡན་ཞིང་ཕྱུགས་བརྟན་པོའི་ངང་ནས་འདྲེན་རྒྱ་ཆེ་རུ་གཏོང་བ། གསར་གཏོད་སྐུལ་འདེད་ལ་བརྟེན་ནས་ནུས་ཤུགས་གསོག་པ་དང་། ནང་མཁོའི་བག་ཤུགས་སྐྱེད་སྲིང་། སྒོ་འབྱེད་མཉམ་ལས་ཀྱི་ཁྱབ་རྒྱ་ཆེ་རུ་གཏོང་བ། བཅོས་སྒྱུར་ཟབ་སྤེལ་གྱི་བཀག་རྒྱ་གཏོར་བ་བཅས་ཀྱི་འགུལ་སྐྱོད་བརྒྱད་ལག་བསྟར་བྱ་དགོས་ཤིང་། ལྗང་མདོག་སྣེ་ཁྲིད་དང་གསར་གཏོད་སྐུལ་འདེད། མཉམ་སྒྲུབ་ལས་ཆོད་ཆེ་བ་བཅས་ཀྱི་དེང་རབས་ཅན་གྱི་ཐོན་ལས་མ་ལག་གང་མགྱོགས་སྒོས་འཛུགས་པ་བཅས་ཀྱིས་མཚོ་ལྷོའི་དོན་དངོས་དང་མཐུན་པའི་སྤུས་ཚད་མཐོ་བའི་འཕེལ་རྒྱས་ཀྱི་ལམ་བུ་གསར་པ་ཞིག་གཏོད་དགོས་ཞེས་བསྟན།
ཚོགས་ཆེན་ལས་དམངས་ལ་བདེ་སྐྱིད་བསྐྲུན་རྒྱུ་མཐའ་འཁྱོངས་དང་ཐུན་མོང་ཕྱུག་པོར་འགྱུར་བར་སྐུལ་འདེད་བཏང་ནས་སྤུས་ཚད་སྔར་ལས་མཐོ་བའི་དེང་རབས་ཅན་གྱི་བདེ་སྐྱིད་ལྡན་པའི་མཚོ་ལྷོ་གསར་པ་འཛུགས་སྐྲུན་བྱ་དགོས། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་རྒྱུན་འཁྱོངས་བྱས་ཏེ་དཀའ་ངལ་ཁྱད་བསད་ཀྱི་སྙིང་སྟོབས་ལ་བརྟེན་ནས་གྲོང་གསེབ་ཕྱོགས་ཡོངས་ནས་དར་རྒྱས་འགྲོ་རྒྱུར་སྐུལ་འདེད་གཏོང་བ་དང་རྨང་གཞིའི་སྒྲིག་བཀོད་རིམ་སྤོར་མགྱོགས་སུ་བཏང་ནས་སྤུས་ཚད་མཐོ་བའི་ལས་ཞུགས་གང་ལེགས་ཐུབ་རྒྱུར་སྐུལ་འདེད་གཏོང་བ་དང་། མི་དམངས་ཀྱི་བློ་ཡིད་ཚིམ་པའི་སློབ་གསོ་ཡག་པོ་གཉེར་ནས་བདེ་ཐང་འགན་ལེན་གྱི་ཆུ་ཚད་མཐོ་རུ་གཏོང་བ་དང་། སྤྱི་ཚོགས་འགན་ལེན་མ་ལག་འཐུས་སྒོ་ཚང་དུ་བཏང་སྟེ། དམངས་འཚོའི་རྩིས་ཁྲ་རེ་རེ་ནི་དུད་ཁྱིམ་ཚང་མའི་བདེ་སྐྱིད་རྩིས་ཁྲར་འགྱུར་བར་བྱས་ནས། མི་རིགས་ཁག་གི་མང་ཚོགས་ཀྱི་འཚོ་བ་སྔར་བས་སྤུས་ཚད་ལྡན་པ་དང་སྔར་བས་མཛེས་སྡུག་ལྡན་པ་ཞིག་ཡོང་བར་བྱ་དགོས་ཞེས་ནན་གྱིས་བསྟན།
ཚོགས་ཆེན་ལས་གཞི་རིམ་བཅོས་སྐྱོང་བྱེད་པ་རྒྱུན་འཁྱོངས་དང་། བདེ་འཇགས་ཁྱིམ་གཞིས་མཉམ་བསྐྲུན་བྱས་ཏེ། སྔར་ལས་ཆུ་ཚད་མཐོ་བའི་དེང་རབས་ཅན་གྱི་འཆམ་མཐུན་མཚོ་ལྷོ་གསར་པ་འཛུགས་སྐྲུན་བྱ་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་གཏོང་བ་ནི་ཁུལ་ཡོངས་ཀྱི་བྱ་བ་སོ་སོའི་ཁ་ཕྱོགས་གཙོར་བཟུང་སྟེ། དུས་རབས་གསར་པའི་ཏང་གི་བོད་སྐྱོང་འཐབ་ཇུས་ཕྱོགས་ཡོངས་ནས་ལག་བསྟར་བྱེད་པ་དང་། མི་རིགས་སོ་སོའི་འགྲོ་འོང་བརྗེ་རེས་མཉམ་འདྲེས་ལ་སྐུལ་འདེད་གཏོང་བ། ཁྲིམས་ལྟར་ཆོས་ལུགས་བྱ་བའི་དོ་དམ་ལ་ཤུགས་སྣོན་བཅས་བྱས་ནས། འཐབ་ཕྱོགས་གཅིག་གྱུར་ཆེན་མོའི་བྱ་བའི་རྣམ་པ་ཞིག་ཆགས་དགོས་པ་མ་ཟད། འདུ་ཤེས་འཛིན་སྟངས་ཀྱི་གནས་གཙོ་བོ་བརྟན་སྲུང་དང་། དམངས་གཙོའི་ཁྲིམས་སྐྱོང་འཛུགས་སྐྲུན་ལ་ཤུགས་སྣོན། སྤྱི་བའི་བདེ་འཇགས་བཅོས་སྐྱོང་གི་ཆུ་ཚད་མཐོར་འདེགས་སུ་གཏོང་བ་བཅས་བྱས་ཏེ། མཚོ་ལྷོའི་ས་གཞི་ཀུན་ལ་བདེ་འཇགས་འཆམ་མཐུན་གྱི་རྣམ་པ་བཟང་པོ་ཆགས་སུ་འཇུག་དགོས་ཞེས་བསྟན།
ཚོགས་ཆེན་ལས་ཏང་འཛུགས་ཁྲིད་སྟོན་རྒྱུན་འཁྱོངས་དང་འགན་འཁྲི་ཁུར་བར་སྐུལ་མ་བཏང་ནས། སྔར་ལས་ནུས་པ་མཐོ་བའི་དེང་རབས་ཅན་གྱི་སྤྱོད་གཙང་གི་མཚོ་ལྷོ་གསར་པ་འཛུགས་སྐྲུན་བྱ་དགོས། ཞི་ཅིན་ཕིང་གི་ཏང་འཛུགས་དགོངས་པར་སློབ་སྦྱོང་ལག་ལེན་གཏིང་ཟབ་བྱེད་པ་དང་། ཆབ་སྲིད་ལ་ལྷག་བསམ་རྣམ་དག་གིས་བློ་དཀར་བ། བསམ་བློའི་རྨང་གཞི་བརྟན་པོར་གཏོང་བ། ཅན་བཅུའི་ཏང་འཛུགས་ལ་སྐུལ་འདེད་གཏོང་བ། འཇོན་མིའི་དཔུང་སྡེ་ལེགས་པོ་སྐྱེད་སྲིང་བྱེད་པ། དངོས་གཉེར་གྱི་བྱ་བའི་སྤྱོད་ལམ་སྦྱོང་བརྡར་བྱེད་པ། ཆབ་སྲིད་ཀྱི་སྐྱེ་ཁམས་ལེགས་པོ་བསྐྲུན་པ། རྒྱུན་འཁྱོངས་ལྷོད་མེད་སྒོས་ཕྱོགས་ཡོངས་གཟབ་ནན་གྱིས་ཏང་སྐྱོང་བར་སྐུལ་འདེད་གཏོང་བ་བཅས་བྱས་ནས། དེང་རབས་ཅན་གྱི་མཚོ་ལྷོ་གསར་པ་བསྐྲུན་པར་ཆབ་སྲིད་ཀྱི་འགན་སྲུང་ལེགས་པོ་འདོན་སྤྲོད་བྱ་དགོས་ཞེས་བསྟན།
ཚོགས་ཆེན་ལས་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན། རིགས་སོ་སོའི་ལས་བྱེད་མང་ཚོགས་བཅས་ཀྱིས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་སྔར་ལས་མཐུན་སྒྲིལ་དམ་ཟབ་བྱས་ཏེ། ཞིང་ཆེན་ཏང་ཨུའི་མགོ་ཁྲིད་བརྟན་པོའི་འོག བློ་གཅིག་སེམས་གཅིག་གིས་འབད་བརྩོན་དང་བློ་ཐག་རྦད་ཆོད་ཀྱིས་མུ་མཐུད་དུ་མདུན་དུ་བསྐྱོད་དེ། དུས་དང་རྣམ་པ་ཀུན་ཏུ་འཆར་འགོད་ལེགས་པོ་བཟོས་ཏེ་མུ་མཐུད་དུ་བྱ་བ་ལེགས་པོར་བསྒྲུབ་ནས། ཁྱོན་ཡངས་པའི་གུང་ཧོ་གཤོང་སའི་ལྗང་མདོག་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་དང་། ཞིང་ཆེན་ཡོངས་ཀྱི་འཕེལ་རྒྱས་གཙོ་བོའི་འཕར་གཞི་གསར་པ་མགྱོགས་མྱུར་ངང་ཆགས་པར་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོར་གྲུབ་འབྲས་གསར་པ་ལེན་པར་མཐུན་སྒྲིལ་འབད་འཐབ་བྱ་དགོས་ཞེས་འབོད་སྐུལ་བཏང་།།