ཞིན་ཧེ་རྫོང་གི་ས་ཡོམ་ལས་མང་ཚོགས42800ལྷག་སྤོ་སྒྱུར་བྱས་པ་དང་གནོད་སེལ་ལས་དོན་གོ་རིམ་ལྡན་པའི་ངང་ནས་སྤེལ་བཞིན་ཡོད།

2026-07-29 09:02:14 来源：作者：མཁའ་མཚོ་སྐྱིད་ཀྱིས་བསྒྱུར། 编辑：བུ་མོ་མཆོག

ཀྲུང་གོ་བོད་ཀྱི་དྲ་བའི་འཕྲིན།　ཟླ7པའི་ཚེས28ཉིན་གྱི་ཆུ་ཚོད11དང་སྐར་མ16དང་།　ཆུ་ཚོད11དང་སྐར་མ34།　ཆུ་ཚོད16དང་སྐར་མ04བཅས་སུ་ཞིན་ཧེ་རྫོང་དུ་ས་ཡོམ་རིམ་པ5.7དང5.8།　5.0བཅས་བྱུང་བ་རེད།　ས་ཡོམ་བྱུང་རྗེས།　ཞིན་ཧེ་རྫོང་གིས་མྱུར་དུ་ས་ཡོམ་གནོད་འཚེའི་ཟློག་རིམ་གསུམ་པ་མགོ་བརྩམས་ཤིང་།　རྫོང་ཡོངས་ཀྱི་མགོ་ཁྲིད་ལས་བྱེད་པ26གིས་རུ་ཁག་ཁྲིད་དེ་གཞི་རིམ་དུ་སོང་ནས།　འཕྲལ་བསྟུན་དང་སྤྱི་བདེ།　མེ་གསོད།　དྲག་ཆས་ཉེན་རྟོག　དམངས་དམག་སོགས་རོགས་སྐྱོབ་སྟོབས་ཤུགས600གཅིག་ཏུ་བསྡུས་ནས་་མྱུར་སྐྱོབ་བྱ་བའི་ཁྲོད་ཞུགས།　ཞིབ་བཤེར་བྱས་པ་བརྒྱུད།　ཐེངས་འདིའི་ཡོམ་ལྟེ་ཆུ་ཁོལ་ཞང་སྟོད་པ་སྡེ་བ།　ལུང་བཟང་ཞང་དམར་མོ་སྡེ་བ་རུ་ཡོད།　མིག་སྔའི་བར་དུ།　ཡོམ་ཁུལ་གྱི་ཉེན་ཁ་ཡོད་པའི་ས་ཁོངས་ཀྱི་མི་སྣ་ཚང་མ་སྤོ་སྒྱུར་བྱས་པ་དང་།　ས་ཡོམ་ལས་ཤང་གྲོང7གྱི་རྨང་གཞི་སྒྲིག་ཆས་ལ་གནོད་འཚེ་ཐེབས་པ་དང་།　སྡོད་ཁང417ལ་གནོད་འཚེ་ཐེབས།　མིག་སྔར་མི་སྣ་ཤི་རྨས་ཀྱི་གནས་ཚུལ་འབྱོར་མེད།　རྫོང་ཡོངས་ཀྱི་ཆ་མཛོད་དང་གློག་ཚུགས།　སྣུམ་སྣོན་ས་ཚིགས།　གཏེར་རི་བཅས་ཀྱི་བདེ་འཇགས་གནས་ཚུལ་ཚོད་འཛིན་བྱེད་ཐུབ་པ་དང་།　མིག་སྔར་བསྡོམས་པས་མང་ཚོགས42800ལྷག་སྤོ་སྒྱུར་བྱས་པ་དང་།　བཀོད་སྒྲིག་ས་ཚུགས111སྤྱོད་མགོ་བརྩམས་ནས།　གནོད་སེལ་འཚོ་བའི་དངོས་ཟོག་འདང་བ་ཡིན།　ཞོལ་ནས་ང་ཚོས་རྒྱུན་མཐུད་ངང་ཉེན་ཁ་ཞིབ་བཤེར་བྱས་ཏེ་ཡོམ་འཕྲོའི་རི་ཉིལ་བ་སོགས་ཀྱི་ཞོར་ཐོན་གནོད་འཚེ་འབྱུང་བར་སྔོན་འགོག་བྱ་རྒྱུ་དང་།　འོས་ཤིང་འཚམ་པར་མང་ཚོགས་ཀྱི་སྤོ་སྒྱུར་བཀོད་སྒྲིག　དངོས་ཟོག་འགན་སྲུང་སོགས་ཀྱི་བྱ་བ་ལེགས་པོར་བསྒྲུབ་པས།　གནོད་སེལ་ལས་དོན་གོ་རིམ་ལྡན་པར་སྐུལ་འདེད་གཏོང་བཞིན་ཡོད།།