ལི་ཆང་གིས་སའེ་ཨེར་ཝེ་ཡའི་སྲིད་འཛིན་ཝུའུ་ཆི་ཆི་ལ་ཐུག་འཕྲད་གནང་།

   ཟླ5པའི་ཚེས25ཉིན་གྱི་སྔ་དྲོར།　རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་གིས་པེ་ཅིན་མི་དམངས་ཚོགས་ཁང་ཆེན་མོ་རུ་ཀྲུང་གོར་རྒྱལ་དོན་འཚམས་འདྲིར་ཡོང་བའི་སའེ་ཨེར་ཝེ་ཡའི་སྲིད་འཛིན་ཝུའུ་ཆི་ཆི་ལ་ཐུག་འཕྲད་གནང་།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།　ཟླ5པའི་ཚེས25ཉིན་གྱི་སྔ་དྲོར།　རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་གིས་པེ་ཅིན་མི་དམངས་ཚོགས་ཁང་ཆེན་མོ་རུ་ཀྲུང་གོར་རྒྱལ་དོན་འཚམས་འདྲིར་ཡོང་བའི་སའེ་ཨེར་ཝེ་ཡའི་སྲིད་འཛིན་ཝུའུ་ཆི་ཆི་ལ་ཐུག་འཕྲད་གནང་།

   ལི་ཆང་གིས་བསྟན་དོན།　ད་ལོ་ནི་ཀྲུང་སའེ་བར་ཕྱོགས་ཡོངས་འཐབ་ཇུས་གྲོགས་པོའི་འབྲེལ་བ་བཙུགས་ནས་ལོ10འཁོར་བའི་ལོ་ཡིན།　ཀྲུའུ་ཞི་ཞི་ཅིན་ཕིང་གིས་སྐུ་ཞབས་སྲིད་འཛིན་ལ་མཇལ་འཕྲད་གནང་ནས།　དུས་རབས་གསར་པའི་ལས་དབང་གཅིག་མཐུན་ཚོགས་པ་འཛུགས་རྒྱུར་སྐུལ་འདེད་གཏོང་རྒྱུའི་ཐད་འཆར་འགོད་སྔར་ལས་ཞིབ་ཕྲ་གནང་།　ཀྲུང་གོ་ཕྱོགས་ཀྱིས་བློ་བརྟན་འགྱུར་མེད་ངང་སའེ་ཨེར་ཝེ་ཡ་ཕྱོགས་དང་ཕན་ཚུན་གྱི་ལྟེ་བའི་ཁེ་ཕན་ལ་རྒྱབ་སྐྱོར་བྱེད་རེས་དང་།　ཉོ་ཚོང་དང་།　དངུལ་གཏོང་།　མི་ཆོས་སོགས་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་སྤེལ་བ།　ཧང་ག་རི་ནས་སའེ་ཨེར་ཝེ་ཡ་བར་གྱི་ལྕགས་ལམ་སོགས་ཀྱི་གཙོ་གནད་ལས་གཞིར་སྐུལ་འདེད་ཡག་པོ་གཏོང་བ།　རྒྱལ་ཁབ་གཉིས་ཀྱི་མི་དམངས་ལ་སྔར་ལས་མང་བའི་ཕན་བདེ་བསྐྲུན་འདོད་ཡོད།　ཕྱོགས་གཉིས་ཀྱིས་ཕྱོགས་མང་མཉམ་ལས་ལ་ཤུགས་སྣོན་དགོས་པ་དང་།　འཛམ་གླིང་གི་གྲོས་འགོ་ཆེན་པོ་བཞིའི་དོན་འཁྱོལ་སྐུལ་འདེད་གཏོང་བ་དང་།　སྔར་ལས་དྲང་གཞག་ལུགས་མཐུན་གྱི་འཛམ་གླིང་བཅོས་སྐྱོང་མ་ལག་བསྐྲུན་དགོས།

ཝུའུ་ཆི་ཆི་ཡིས་བསྟན་དོན།　སའེ་ཀྲུང་བར་གྱི་མཛའ་བརྩེ་གཏིང་ཟབ་ཡིན།　སའེ་ཨེར་ཝེ་ཡ་ཕྱོགས་ཀྱིས་ཀྲུང་གོ་གཅིག་གི་རྩ་དོན་མཐའ་གཅིག་ཏུ་དམ་སྲུང་བྱེད་པ་དང་།　ཀྲུང་གོ་ཕྱོགས་དང་མཐོ་རིམ་བར་གྱི་འགྲོ་འོང་རྒྱུན་འཁྱོངས་བྱེད་པ།　དཔལ་འབྱོར་ཉོ་ཚོང་དང་།　ཞིང་ཟས།　རྨང་གཞིའི་འཛུགས་སྐྲུན།　མི་ཚུལ་སོགས་ཁྱབ་ཁོངས་ཀྱི་བརྗེ་རེས་མཉམ་ལས་གཏིང་ཟབ་ཏུ་གཏོང་བ།　ཕྱོགས་མང་བར་གྱི་འབྲེལ་གཏུག་དང་མཉམ་ལས་དམ་ཟབ་ཏུ་གཏོང་བ།　ཕྱོགས་མང་རིང་ལུགས་ལ་མཐའ་གཅིག་ཏུ་སྲུང་སྐྱོབ་བྱེད་པ་དང་།　རྒྱལ་སྤྱིའི་དྲང་གཞག་དྲང་བདེན་སྲུང་སྐྱོང་བྱེད་འདོད་ཡོད།

  ཝུའུ་ཀྲིན་ལུང་ཐུག་འཕྲད་ལ་ཞུགས།།