ཁུལ་ཆུ་བེད་ཅུའུ་ལ་རྒྱལ་ཡོངས་ཆུ་བེད་ཁོངས་གཏོགས་ཀྱི་སྔོན་ཐོན་ཐུན་མོང་གི་མཚན་སྙན་ཐོབ་པ།

རང་ཚགས་པར་གྱི་འཕྲིན། ཟླ11པའི་ཚེས26ཉིན།རྒྱལ་ཡོངས་ཆུ་བེད་ཁོངས་གཏོགས་ཀྱི་སྔོན་ཐོན་ཐུན་མོང་དང་སྔོན་ཐོན་མི་སྒེར།ངལ་རྩོལ་དཔེ་ལེགས་ཅན་བཅས་ཀྱི་གཟེངས་བསྟོད་ཚོགས་ཆེན་པེ་ཅིང་དུ་བསྡུས་ཤིང་།མཚོ་ལྷོ་ཁུལ་ཆུ་བེད་ཅུའུ་ལ་རྒྱལ་ཡོངས་ཆུ་བེད་ཁོངས་གཏོགས་ཀྱི་སྔོན་ཐོན་ཐུན་མོང་གི་མཚན་སྙན་ཐོབ་པ་རེད།

ད་ལོ་ནས་བཟུང་ཁུལ་ཆུ་བེད་ཅུའུ་ཡི་མཚོ་ལྷོ་ཁུལ་གྱི12345ཡི་འབད་འཐབ་དམིགས་འབེན་གཞིར་བཟུང་ནས།དམངས་ཚིས་ཆུ་བེད་ལས་གཞིའི་འཛུགས་སྐྲུན་བྱ་བར་སྐུལ་འདེད་གཏོང་རྒྱུ་དེ་གྲོས་རིམ་གལ་ཆེན་གྱི་ནང་བཞག་པ་དང་།ལས་གཞི་གལ་ཆེན་དང་གཙོ་གནད་ལས་གྲྭ་གཞིར་བྱས་ཏེ།ཆུ་བེད་ཀྱི་གཏན་འཇགས་རྒྱུ་ནོར་ལ་མ་འཇོག་བྱེད་ཚད་བརྟན་པོའི་ངང་འཕར་རྒྱུར་སྐུལ་འདེད་བཏང་བ་དང་སྤུས་ཚད་མཐོ་བའི་ཆུ་བེད་ལས་གཞིར་བརྟེན་ནས།ཁུལ་ཡོངས་ཀྱི་སྤྱི་ཚོགས་དཔལ་འབྱོར་སྤུས་ཚད་མཐོ་བའི་ངང་འཕེལ་རྒྱས་སུ་འགྲོ་བར་སྐུལ་འདེད་བཏང་།མཚན་སྙན་ཐོབ་པ་དེའི་ཁུལ་ཡོངས་ཀྱི་ཆུ་བེད་ཁོངས་གཏོགས་ཀྱི་ངོས་ནས་བཤད་ན་སྐུལ་ལྕག་ཅིག་ཡིན་པས་རྒྱལ་ཡོངས་ཆུ་བེད་ཁོངས་གཏོགས་ཀྱི་སྔོན་ཐོན་ཐུན་མོང་གི་མགོ་འཛུགས་ས་གསར་པ་ཞིག་གི་ཐོག་ནས་ཁུལ་ཆུ་བེད་ཅུའུ་ཡིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྔོན་ལ་ཆུ་གྲོན་ཆུང་བྱེད་པ་དང་བར་དུ་དོ་སྙོམས་མ་ལག་བཅོས་སྐྱོང་།མཐའ་མར་ཕྱོགས་གཉིས་ཀར་ཤུགས་སྣོན་པ་བཅས་ཀྱི་བསམ་ཕྱོགས་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ཕྱོགས་ཡོངས་ནས་དོན་འཁྱོལ་བྱེད་པ་དང་། དུས་དང་རྣམ་པ་ཀུན་དུ་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་འདུ་ཤེས་ལག་བསྟར་དང་།མི་དམངས་ཀྱི་ཆུ་བེད་བདེ་འཇགས་མི་དམངས་ཀྱི་ཆེད་དུ་ཡིན་པ་དེ་ལས་འགན་ཞིག་ཏུ་བརྩིས་ནས།སེམས་ཤུགས་གཅིག་སྒྲིལ་དང་དངོས་གཉེར་ལག་བསྟར་བྱས་ཏེ། ཆུ་བེད་ཀྱི་རྨང་གཞིའི་སྒྲིག་བཀོད་འཛུགས་སྐྲུན་ལ་རྒྱུན་མཐུད་ངང་སྐུལ་འདེད་གཏོང་བ་དང་།ཆུ་ལོག་དང་ཐན་སྐྱོན་གྱི་གནོད་འཚེ་འགོག་ནུས།ཆུའི་ཐོན་ཁུངས་བཀོད་སྒྲིག་ལེགས་འགྱུར་བྱེད་ནུས། ཆུ་བོ་དང་མཚེའུ་ཡི་སྐྱེ་ཁམས་བཅོས་སྐྱོང་བྱེད་ནུས་སོགས་གཙོ་གནད་བྱ་བ་སོ་སོའི་བྱེད་ནུས་མཐོར་འདེགས་སུ་བཏང་སྟེ།ཆུ་བེད་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་།