མཚོ་ལྷོ་ཁུལ་རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་དཔེ་སྟོན་ཁུལ་གྱི་འཕེལ་འགྲོས་དེ་རྒྱལ་ཡོངས་དཔེ་སྟོན་ཁུལ11གི་ཨང་དང་པོར་སླེབས་ཡོད།
རང་ཚགས་པར་གྱི་འཕྲིན།（གསར་འགོད་པ།བུ་མོ་མཆོགདོན་འགྲུབ་སྒྲོལ་མ།）ཟླ11པའི་ཚེས29ཉིན།གསར་འགོད་པས་རྒྱུས་ལོན་བྱས་པ་ལྟར་ན།དེ་སྔོན་ཀྲུང་གོའི་དུས་རབས21པའི་གྲོས་རིམ་དོ་དམ་ལྟེ་གནས་ཀྱིས་ཧྲེན་ཀྲེན་དུ2024ལོའི་རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་དཔེ་སྟོན་ཁུལ་གྱི་སྙན་ཞུ་ཁྱབ་སྒྲོག་བྱས།དཔེ་སྟོན་ཁུལ11གི2023ལོའི་ལོ་འཁོར་གྱི་བྱ་བ་བསྒྲུབ་པའི་གནས་ཚུལ་དང་ཚན་རྩལ་པུའུ་ཡིས་ལྟ་ཞིབ་ཚད་ལེན་བྱས་པར་གཞིགས་ན།དཔེ་སྟོན་ཁུལ་གྱི་འཕེལ་འགྲོས་དང་རྒྱུན་མཐུད་འཕེལ་རྒྱས་སུ་གཏོང་བའི་དམིགས་ཚད་གཉིས་ལ་ཕྱི་རྐྱེན་དང་ཚད་འཇལ་ལ་བརྟེན་ནས་དཔེ་སྟོན་ཁུལ་སོ་སོའི་བྱ་བའི་གནས་ཚུལ་སྤེལ་བར་གདེང་འཇོག་བྱས་པ་རེད།དེའི་ནང་མཚོ་ལྷོ་ཁུལ་གྱིས་རྒྱལ་ཡོངས་ཀྱི་རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་དཔེ་སྟོན་ཁུལ11གིའཕེལ་འགྲོས་ལ་གདེང་འཇོག་བྱེད་པའི་ཁྲོད་སྤྱི་ཡོངས་ཀྱི་གནས་ཚུལ་དང་བྱ་བར་སྐུལ་འདེད་གཏོང་བ་གཉིས་ལ་ཨང་དང་པོ་ཐོབ།
རྒྱུས་ལོན་བྱས་པ་ལྟར་ན།མཚོ་ལྷོ་ཁུལ་གྱིས་རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱེད་པར་ཆོག་མཆན་ཐོབ་པ་ནས་བཟུང་གཙང་པོ་དང་ཆུ་བོའི་འབབ་རྒྱུད་ཀྱི་སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་འཕེལ་རྒྱས་ཀྱི་བརྗོད་བྱ་གཙོ་བོར་དམིགས་ནས།ཚན་རྩལ་གསར་གཏོད་ཀྱི་འདེགས་སྐྱོར་དང་།སྐྱེ་ཁམས་སྲུང་སྐྱོང་དང་བཅོས་སྐྱོང་རིམ་སྤར།སྐྱེ་ཁམས་ཞིང་ཕྱུགས་ལས་ལྗང་མདོག་འཕེལ་རྒྱས།དཔལ་འབྱོར་འཕར་གཞི་གསར་པ་གསོ་སྐྱོང་།སྐྱེ་ཁམས་དང་རིག་གནས། ཡུལ་སྐོར་ དང་དམངས་ཕན་སོགས་བྱ་འགུལ་ཆེན་པོ་ལྔ་ལ་སྐུལ་འདེད་ནན་གྱིས་བཏང་ནས། མཚོ་ལྷོ་ཁུལ་རྒྱུན་མཐུད་འཕེལ་རྒྱས་ཡོང་བར་སྐུལ་འདེད་གཏོང་བའི་སྲོལ་ཡིག་འཆར་ཟིན་བཀོད་པ་དང་། ཁུལ་གྱི་རྒྱུན་མཐུད་འཕེལ་རྒྱས་ལ་ཁྲིམས་སྐྱོང་གི་འགན་སྲུང་འདོན་སྤྲོད་བྱས།
ལོ་གཅིག་གི་ལྟ་ཞིབ་ཚད་ལེན་སྙན་ཞུའི་སྤྱི་ཡོངས་ཀྱི་གནས་ཚུལ་ལ་བལྟས་ན།2023ལོ་ནས་ད་ལྟའི་བར་དུ་མཚོ་ལྷོ་ཁུལ་རྒྱུན་མཐུད་འཕེལ་རྒྱས་སུ་འགྲོ་བའི་བསྡུར་གྲངས་ནི73.55ཡིན་པས།དཀའ་ཁག་སེལ་བ་དང་འཐུང་ཆུ་གཙང་སེལ། འཕྲོད་བསྟེན་ཀྱི་སྒྲིག་ཆས་དང་དཔལ་འབྱོར་ཐད་སྤྱོད་པའི་དག་གཙང་ནུས་ཁུངས། དེ་བཞིན་དྲང་བདེན།འཆམ་མཐུན་དང་ཤོང་ཡངས་བའི་སྤྱི་ཚོགས་སོགས་རྒྱུན་མཐུད་འཕེལ་རྒྱས་སུ་གཏོང་བའི་དམིགས་འབེན་མང་པོ་ལེགས་འགྲུབ་ཡོང་བ་དང་།ལྷག་པར་དུ་ནུས་མང་གསབ་རེས་དང་ནུས་ཆེ་གཅིག་སྡུད་ཀྱི་ནུས་ཁུངས་གཙང་མའི་གསར་སྤེལ་མ་ལག་དར་སྤེལ་བྱས་ནས་ནུས་ཁུངས་གཙང་མའི་གློག་འདོན་ཚད100%དང་། འཛམ་གླིང་གི100%ཡི་ནུས་ཁུངས་གཙང་མ་སྐྱེལ་གཏོང་བྱེད་པའི་མཚོ་སྔོན་དང་ཧོ་ནན་བར་གྱི་ཆེས་མཐོའི་གློག་གནོན་སྟོང་ཝོ±800ཡི་གློག་གཏོང་ལས་གྲྭ་ཐོག་མ་དང་འཛམ་གླིང་གི་གཞི་ཁྱོན་ཆེས་ཆེ་བའི་གློག་ཁུངས་ངོས་ཀྱི་ཁྱབ་ཚུལ་སྒྲིག་ཆས་ཐོག་མ་སྟེ་རླུང་དང་འོད་སོགས་གློག་ཤུགས་གཙང་མ་ཕྱིར་གཏོང་དང་གློག་གནོན་བརྟན་པོ་མེད་པའི་གནད་དོན་ཐག་གཅོད་བྱས།མཚོ་སྔོན་ཞིང་ཆེན་གྱི་ཐོག་མར་ཐོབ་པའི་གསར་གཏོད་དཔེ་སྟོན་ཁུལ་དང་མིག་སྔར་རྒྱལ་ཡོངས་ཀྱི་གསར་གཏོད་དཔེ་སྟོན་ཁུལ་ཐོབ་པའི་མི་རིགས་རང་སྐྱོང་ཁུལ་གཅིག་པུ་ཡིན་པའི་ཆ་ནས།མཚོ་ལྷོ་ཁུལ་གྱིས་དཔེ་སྟོན་ཁུལ་འཛུགས་སྐྲུན་དེ་ཁུལ་ཡོངས་ཀྱི་དཔལ་འབྱོར་འཁོར་རྒྱུགས་བྱ་བའི་བཀོད་གཏོང་ཚོགས་འདུའི་ནང་དོན་གྱི་གྲས་སུ་བཞག་པ་དང་།རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱེད་པའི་བྱ་བའི་དཔྱད་ཞིབ་བྱེད་ཐབས་གཏན་འབེབས་དང་དཔར་འགྲེམ་བྱས་ནས། རྒྱལ་ཁབ་རྒྱུན་མཐུད་འཕེལ་རྒྱས་སུ་གཏོང་བའི་གྲོས་རིམ་གསར་གཏོད་བྱེད་པའི་དཔེ་སྟོན་ཁུལ་འཛུགས་སྐྲུན་བྱེད་པར་སྐུལ་འདེད་ཚོགས་འདུ་བསྡུས་ཏེ།ནུས་ཁུངས་གཙང་མ་གཙོ་ཡིན་པའི་ཆུ་དང་རླུང་།འོད།ས་འོག་ཚ་ནུས།གསོག་ནུས་བཅས་ནུས་པ་ལྔ་ལྡན་གྱི་ཚན་རྩལ་གསར་པའི་གློག་ཤུགས་མ་ལག་གསར་གཏོད་བྱས་ཏེ། ལྗང་མདོག་རྩིས་ཤུགས་ལས་གཞིའི་འཛུགས་སྐྲུན་ལ་ཤུགས་སྣོན་བྱས་པ་དང་།ནུས་ཁུངས་གཙང་མ་དང་ལྗང་མདོག་རྩིས་ཤུགས་ཐོན་ལས་མཉམ་འདྲེས་འཕེལ་རྒྱས་ཀྱི་རྣམ་པ་བསྐྲུན་པ།ལྗང་མདོག་ཐཱན་ཉུང་སོགས་ཀྱི་ལག་རྩལ་དཔེ་སྟོན་ཁུལ་གྱི་གཅིག་སྡུད་བཀོལ་སྤྱོད་བྱེད་པའི་གོམ་སྟབས་ཇེ་མགྱོགས་སུ་བཏང་སྟེ།འོད་བསྡུ་ཐོན་ལས་དང་སྐྱེ་ཁམས་སྲུང་སྐྱོང་། སྐྱེ་ཁམས་ཀྱི་ཞིང་ཕྱུགས་ལས་མཉམ་འདྲེས་འཕེལ་རྒྱས་དང་ཕྱོགས་ལྔ་གཞི་གཅིག་གི་ནུས་ཁུངས་གཙང་མའི་འཕེལ་རྒྱས།ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་རིན་ཐང་བརྗེ་སྤོར།མཚོ་བོད་མཐོ་སྒང་གི་གྲངས་འཛིན་རིག་གནས་ཡུལ་སྐོར་མཉམ་འདྲེས་འཕེལ་རྒྱས་སོགས་དཔེ་སྟོན་རྣམ་པ་གསར་པ་བརྒྱད་ཧུར་ཐག་གིས་བསྐྲུན་ཏེ། གསར་གཏོད་སྦྲེལ་ཐག་དང་ཐོན་ལས་སྦྲེལ་ཐག་མཉམ་འདྲེས་ངང་འཕེལ་རྒྱས་སུ་འགྲོ་བར་ཤུགས་བསྣན་པ་རེད།