ཁུལ་ཨུས་མེ་ཟོན་བྱ་བའི་གྲོས་མོལ་ཚོགས་འདུ་བསྡུས་པ།

རང་ཚགས་པར་གྱི་འཕྲིན།ཟླ11པའི་ཚེས29ཉིན། ཁུལ་ཨུས་མེ་ཟོན་གྲོས་མོལ་ཚོགས་འདུ་བསྡུས་ཏེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འཕྲལ་བསྟུན་དོ་དམ་དང་མེ་ཟོན་བྱ་བའི་སྐོར་གྱི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ།ཞིང་ཆེན་ཏང་ཨུའི་མེ་ཟོན་གྲོས་མོལ་ཚོགས་འདུའི་བཀོད་སྒྲིག་དང་བླང་བྱ་ཁྱོན་ཡོངས་ནས་དོན་འཁྱོལ་བྱས་ཏེ་ཁུལ་ཡོངས་ཀྱི་མེ་ཟོན་བྱ་བ་དང་དཔུང་ཁག་འཛུགས་སྐྱོང་ལ་འཕྲད་པའི་གནས་ཚུལ་གསར་པ།གནད་དོན་གསར་པར་ཞིབ་འཇུག་དང་ཐག་གཅོད་བྱས་ཤིང་།གནོད་འགོག་གནོད་སེལ་གྱི་ནུས་པ་དང་འཕྲལ་བསྟུན་རོགས་སྐྱོབ་ཀྱི་སྟོབས་ཤུགས་འཛུགས་སྐྱོང་ལ་སྔར་ལས་ཤུགས་བསྣན་ཏེ།ཁུལ་ཡོངས་ཀྱི་སྤྱི་ཚོགས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་སུ་འགྲོ་བར་རོགས་འདེགས་བྱས།ཁུལ་ཨུའི་ཧྲུའུ་ཅི་ལིས་ཀང་གིས་གསུང་བཤད་གནང་བ་དང་།ཁུལ་ཨུའི་ཧྲུའུ་ཅི་གཞོན་པའམ།ཁུལ་དཔོན་ཀརྨ་ཕུན་ཚོགས་ཀྱིས་ཚོགས་འདུར་མགོ་འཛིན་བྱས་པ་རེད།

ཚོགས་འདུའི་སྟེང་ན་ནིང་ནས་བཟུང་ཁུལ་ཡོངས་ཀྱི་མེ་ཟོན་རོགས་སྐྱོབ་དཔུང་ཁག་གིས་དུས་ནམ་ཡང་ཏང་ལ་བློ་དཀར་བ་དང་ཁྱོན་ཡོངས་ལ་ཞབས་ཞུ་བསྒྲུབ་རྒྱུ་མཐའ་འཁྱོངས་བྱས་ཏེ། མང་ཚོགས་ལ་བརྩེ་སེམས་འཆང་བ་དང་བསམ་པ་རྣམ་དག་གིས་དམངས་ཀྱི་ཆེད་དུ་ཞབས་འདེགས་ཞུ་རྒྱུ་མཐའ་འཁྱོངས་བྱས་ཤིང་བདེ་འཇགས་ཀྱི་ཉེན་ཁ་ཚབས་ཆེན་ལ་དོགས་ཟོན་དང་དུས་ལྟར་གནད་དོན་ཐག་གཅོད་བྱས་པ།ལྷག་པར་དུ་ད་ལོའི་འབྲུབ་འགོག་གནོད་ཐེབས་ཁྲོད་རང་ཁུལ་གྱི་ནུས་པ་ཡོད་ཚད་ཀྱིས་གནོད་འཚེ་ལ་གདོང་གཏད་ནས།སྤྱོད་སྟངས་དངོས་ཀྱི་ཐོག་ནས་དུས་རབས་གསར་པའི་འགན་འཁྲི་འཁུར་ཕོད་པའི་སྤོབས་པ་དེ་མཚོན་ཡོད་ཅེས་བསྟན།

ཚོགས་འདུའི་སྟེང་མེ་ཟོན་རོགས་སྐྱོབ་བྱ་བ་ནི་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པར་སྐུལ་འདེད་གཏོང་བ་དང་།ལྷག་པར་དུ་སྤྱི་ཚོགས་བཅོས་སྐྱོང་དང་བརྟན་བརླིང་སྲུང་སྐྱོང་བྱེད་པའི་ཁྲོད་ཀྱི་བྱེད་ཐབས་གལ་ཆེན་ཞིག་ཡིན་པས་ངེས་པར་དུ་ཁྱོན་ཡོངས་ཁྲོད་ཞུགས་པ་དང་ཁྱོན་ཡོངས་ལ་ཞབས་འདེགས་ཞུ་བ།གཅིག་གྱུར་གྱིས་འཕེལ་རྒྱས་དང་བདེ་འཇགས་སྲུང་བ།ཕྱོགས་ཡོངས་ནས་གནོད་འགོག་གནོད་སེལ་གྱི་འཕྲལ་བསྟུན་ནུས་པ་ཆེ་རུ་གཏོང་བ།ཆུ་ཚད་སྔར་ལས་མཐོ་བའི་སྒོ་ནས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པར་འགན་སྲུང་བྱ་དགོས།ཆབ་སྲིད་ཀྱི་ལངས་ཕྱོགས་བརྟན་པ་དང་།བདེ་འཇགས་ཀྱི་མཐར་ཐུག་དང་བདེ་འཇགས་ཀྱི་མ་མཐའི་ཚད་ཐིག་གི་བསམ་གཞིགས་འདུ་ཤེས་འཛིན་པ།གཟབ་ནན་གྱིས་ཉེན་ཁ་སྲུང་བའི་འདུ་ཤེས་བརྟན་པ། འགན་སྲུང་གི་ཆུ་ཚད་མི་འདང་བར་ཤུགས་བརྒྱབ་སྟེ་མཚོ་ལྷོའི་བདེ་འཇགས་བརྟན་སྲུང་བྱེད་པ།བཅོས་སྐྱོང་གི་ཆུ་ཚད་མཐོ་རུ་གཏོང་དགོས་པ་དང་།གནད་ལ་འཁེལ་བའི་བྱ་བར་སྔོན་འགོག་དང་ཚོད་འཛིན་བྱེད་ཤུགས་ཆེ་རུ་གཏོང་བ། དཔང་རྟགས་གསུམ་གྱི་དོ་དམ་བྱེད་སྟངས་དེ་མེ་ཟོན་བྱ་བའི་ཁྲོད་སྤྱད་དེ།བྱུར་རྐྱེན་གྲལ་བཤེར་དང་དག་ཐེར་ཡོ་བསྲང་།ཞིབ་བཤེར་རྩིས་ལེན།ཚོང་རྟགས་མེད་པར་བཟོ་བ་བཅས་ཀྱི་དོ་དམ་ལམ་སྲོལ་ཆགས་པར་བྱས་ནས་མེ་ཟོན་བདེ་འཇགས་ཀྱི་རྨང་གཞི་ཇེ་བརྟན་དུ་བཏང་ནས་འཕྲལ་བསྟུན་དོ་དམ་བྱ་བའི་ནུས་པ་ཇེ་ཞན་ཏུ་འགྲོ་བར་ཤུགས་རྒྱག་པ།མ་ལག་ཕྱོགས་བསྡུས་བཅོས་སྐྱོང་གི་ཆུ་ཚད་མཐོ་རུ་བཏང་སྟེ་རོགས་སྐྱོབ་བྱེད་པའི་གོམས་སྟབས་ཇེ་མགྱོགས་སུ་བཏང་བ་དང་མེ་ཟོན་ཉེན་སེལ་རོགས་སྐྱོབ་ཀྱི་དངོས་འཐབ་ནུས་པ་དང་དེང་རབས་ཅན་གྱི་མེ་ཟོན་བདེ་འཇགས་བཅོས་སྐྱོང་གི་ཆུ་ཚད་མཐོར་གཏོང་དགོས། སྟོབས་ཤུགས་ཅན་གྱི་མེ་ཟོན་དཔུང་ཁག་འཛུགས་སྐྱོང་བྱས་ཏེ་ཆབ་སྲིད་ཀྱི་ལངས་ཕྱོགས་བརྟན་པ་དང་རྩ་འཛུགས་ཀྱི་ནུས་པ་ལྡན་པ།སྲིད་དོན་སྲུང་བའི་རྩ་དོན་རྒྱུན་འཁྱོངས་བྱེད་པར་ཤུགས་བརྒྱབ་སྟེ་བཅོས་སྒྱུར་གཏིང་ཟབ་དུ་སྤེལ་བ།

ཆབ་སྲིད་ཀྱི་ལངས་ཕྱོགས་བརྟན་པའི་དཔུང་ཁག་དང་བཅོས་སྒྱུར་ལ་སྟོབས་ཤུགས་ལྡན་པའི་རུ་ཁག་བཅོས་སྐྱོང་བཅས་འཛུགས་སྐྱོང་བྱས་ཏེ་ཁྱོན་ཡོངས་ལ་སྟོབས་ཤུགས་ལྡན་པའི་དེང་རབས་ཅན་གྱི་མཚོ་ལྷོའི་མེ་ཟོན་རོགས་སྐྱོབ་དཔུང་ཁག་ཞིག་འཛུགས་སྐྱོང་བྱ་དགོས་ཞེས་ནན་གྱིས་བསྟན།

ཚོགས་འདུའི་སྟེང་འགན་འཁྲི་བསྒྲུབ་པའི་ཁྲོད་དོན་འཁྱོལ་བྱེད་པ་དམ་འཛིན་ནན་མོ་བྱེད་པ། ཕན་འབྲས་མངོན་པའི་དམིགས་ཡུལ་གཙོར་བཟུང་སྟེ་མེ་ཟོན་གྱི་འགན་འཁྲི་སྔར་ལས་དོན་འཁྱོལ་བྱས་ནས་ས་སྲུང་གི་འགན་འཁྲི་ཡོད་པ་དང་།འགན་འཁྲི་འཁུར་བ། འགན་འཁྲི་བསྒྲུབ་པ་བཅས་བྱ་དགོས་ལ།འབྱུང་རྩ་ནས་དོགས་ཟོན་བྱེད་པའི་ཐད་དོན་འཁྱོལ་ནན་མོ་བྱས་ཏེ་ཞན་ཆ་ཡོད་པ་དང་གཙོ་གནད་ཁྱབ་ཁོངས་ལ་དམིགས་ནས་ཉེན་ཁ་དང་བྱུར་རྐྱེན་གྲལ་བཤེར་གནད་ལ་འཁེལ་བ་དང་།བཅོས་སྒྲིག་གནད་ལ་འཁེལ་བ་བྱས་ཏེ་ཆག་སྒོ་འབྱུང་བ་ཇེ་ཉུང་དུ་གཏོང་དགོས།འགན་སྲུང་བྱ་བ་ནན་འཛིན་བྱེད་པའི་ཐོག་འབད་དེ་གནད་དོན་ཕྱོགས་སྟོན་དུ་འཛིན་རྒྱུ་དང་དགོས་མཁོའི་ཕྱོགས་སྟོན་མཐའ་འཁྱོངས་ཀྱིས་སྲིད་ཇུས་ཀྱི་རྒྱབ་སྐྱོར་དང་གྲོན་དངུལ་འགན་ལེན་ལ་ཤུགས་སྣོན་བྱས་ནས།མེ་ཟོན་སྡེ་ཚན་གྱི་དཀའ་ངལ་དང་གནད་དོན་ཐག་གཅོད་ཡག་པོ་བྱ་དགོས་ཞེས་བླང་བྱ་བཏོན།

ཚོགས་འདུའི་སྟེང2023ལོའི་ཁུལ་ཨུས་བསྡུས་པའི་མེ་ཟོན་གྲོས་མོལ་ཚོགས་འདུའི་དགོངས་དོན་ལག་བསྟར་དོན་འཁྱོལ་བྱེད་པ་ཁྱབ་སྒྲོག་བྱས་པ་དང་། ཁུལ་ཡོངས་ཀྱི་མེ་ཟོན་བྱ་བའི་དཔུང་ཁག་འཛུགས་སྐྱོང་གནས་ཚུལ་གྱི་སྙན་ཞུར་ཉན།2024ལོའི་ཁུལ་ཨུས་བསྡུས་པའི་མེ་ཟོན་གྲོས་མོལ་ཚོགས་འདུའི་ཐོག་ཐག་གཅོད་བྱ་རྩིས་ཡོད་པའི་དོན་དག་འགར་ཞིབ་འཇུག་བྱས་པ་རེད། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཀྲང་ཅི་ཙུང་།ཁུལ་ཨུའི་རྒྱུན་ཨུའམ་ཁུལ་དཔོན་གཞོན་པ་སུན་ཅུན་ཞ།དེ་མིན་ཁུལ་མེ་ཟོན་བདེ་འཇགས་ཨུ་ཡོན་ལྷན་ཁང་གི་འབྲེལ་ཡོད་ལས་ཁུངས་ཀྱི་འགན་འཁུར་བློ་མཐུན་གཙོ་བོ་བཅས་ཚོགས་འདུར་ཞུགས་པ་རེད།།